جريدة الاضواء الالكترونية
مقالات مشابهة
شعر : فيفي خضر ـ مصر
مافيش ولا صورة جوايا ولا ع الحيط
نسيت الماضي وياك وباعيش بكره
ولو عديت صدفه قصاد البيت
ورحمة امي مش فاكرة ولا ذكري
تمامك تبقي منسي وملكش وجود
ياريحة الورد الدبلانه
عرفتك بس متأخر
اكيد بالغدر عيان
انته ومحتاج قلب
يكون
مريض زيك ومش مخلص
مافيش وياك شئ مضمون
فكان لازم بجد أخلص
انا اسفة عشان ضيعت
في حبك عمر وراح
مفكرتش ف قلب ضعيف
بفضلك انته متهناش
عموما حقي مش هيضيع
ومن امتا الحقوق بتروح
ياخاين كل لقمة عيش
قسمناها وقتلت الروح
هسيبك بس مش ناسية
عمايلك.
واللي كان بينا
انا دلوقتي بشهدلك
ملكش نصيب من الجنه
واخرك صورة مرميه علي الجدران
وانا راح أعيش بكرة اللي مرسوملي
بالافراح مع نصيبي ال مكتبولي
هااعيش وانساك.
واخرك تبقي صورة مرسومة علي الحيطان
وتبقي بردو مش باينة
من الغوبار.
وملكش وجود !!!
