جريدة الاضواء الالكترونية
مقالات مشابهة
الأضواء / جميلة سالم / العراق
تحدث لي أحدهم قائلا .. بعد اصابتي بفايروس كورونا وخلال رقودي بمستشفى ابن الهيثم لمده 12 يوم طبعا الف الحمدلله انو كانت اعراضنه خفيفه جدا واعتبر هذا شي نعمه من الله جبيره ، لفت نظري شاب بعمرنه اسمه (حيدر )صراحة ما اعرف اسمه الكامل (حيدر) جان المعين المسؤول على ردهة العزل ومسؤول علينه وعلى احتياجاتنه مسؤول كلش وكلاشي خلال 12 يوم حيدر يمكن مطالع خمس ثواني من الردهة لابس بدله وكمامةوعنده غرفه يمنه الوحيد الي جان يتعامل ويانه بدون خوف وبكل احترام هالانسان ما اعتقد من طينه البشر كلمه ملاك قليله بحقه حيدر براتب ميتجاوز ال200 الف جان هو كلشي ،،العلاج مع احترامي للاخوة الصيادله الي خلال 12 يوم مشفت واحد بيهم صعد النه العلاج ينحط بجياس وحيدر يفتر يوزعه علينه واحد واحد ، الاكل حيدر يوزعه علينه ، النفايات جانو عمال نظافه ميقبلون يطبون حيدر يفتر يلم النفايات ،،قناني الاوكسجين رغم ثقلهة من جان احد يحتاجه حيدر يشيله وينقله اشعه ناخذ حيدر يجيبه النه، نحتاج شي من بره اي شي حيدر موجود 24 ساعه بدون مبالغه هالانسان موجود بكل وقت تدك باب عليه بكل وقت حتى بص الليل وشي تافه تدك باب وتطلب منه تشوفه يضحك ويسويه بكل ادب وخجل واحترام مشفته صار عصبي او ضاج من اي احد خلال 12 يوم مهما طلب منه .. بالوكت الي كل العاملين جانو يخافون يتقربون منه ويوكفون بعد كومه عنه وفحصهم يصير عبر القارات على رغم لابسين تجهيزات اضعاف تجهيزات حيدر ،،حيدر جان يطب ويلم النفايات ويوزع الادوبه والاكل وكلشي ، ومن طلعت ردت انطي شي بسيط هديه رفض رفض قطعي وكال اني مفروض انطيك هديه سلامتك بالاخير رغم طول بوست بس حيدر يستحق الالاف البوستات حيدر يستحق تمثال برايي وراتبه مفروض 20 مليون مو 200 الف ويبقى واحد من اعظم الاشخاص الي صادفتهم والي مراح انساهم بحياتي صوره لحيدر من احد الاطباء الي يعملون( بابن الهيثم ) شخص عراقي بسيط يعادل الف شخص هذا هو العراقي شهامة ونخوة وفاء وايمان وعقيدة ربي يحميه ويحفظه لأهله ومحبيه.
